ماڵپەڕێكی تایبەتمەند لە بواری ئاسایشی ئینتەرنێت ئاگەداری بەكارهێنەران دەكاتەوە بەمۆبایلەكانیان نەچنە نێو ئەو ماڵپەڕانەی لەلایەكی شاشەوە ریكڵامیان بۆ كراوە، چونكە ئەگەری هەیە تەڵە بێت و داندرابێتەوە، بەكارهێنەر تووشی كێشە بكاتەوە.
هەندێ جار لە لایەكی شاشەوە لە كاتی بەكارهێنانی ماڵپەڕەكانی ئینتەرنێت بەمۆبایل، چەندین ریكلام و وێنە دەردەكەون، هەندێكیان ریكڵامی بازرگانی و هەندێكیان هی سایتی رووت یان دۆزینەوە هەلی كار و لۆتۆن، ئەوانە كێشەی گەورە بەدوای خۆیاندا دێنن.
بەگوێرەی رۆژنامەی “میترۆ”، سەدان ئاپی مۆبایل بەهۆی ئەو بابەتە گوماناوییانە تووشی كێشە بوونەتەوە، بەتایبەتی لە سیستەمی ئەندرۆید، جاری وا هەیە مۆبایلەكەت دادەخرێت و ناتوانی بیكەیتەوە. یان زانیاری و وێنە و ڤیدیۆكانی نێو مۆبایلەكەت دەدزرێن. جاری وا هەیە دەتوانن بگەنە نێو بەڵانسی مۆبایلەكەش و بەتاڵی بكەنەوە.
